Пайғамбаримиз соллаллоҳу алайҳи ва саллам бу ҳадиси шарифда Аллоҳ кўп ва қаттиқ хусумат қиладиган инсонни ёмон кўришини хабар бердилар. У инсон ҳаққа эргашишдан бош тортиб, уни баҳс ва тортишиш билан даф қилишга ҳаракат қилади, ёки ҳақ бўлади, лекин жуда ошириб, муътадилликдан чиқиб илмсиз талашади.

• Мазлум одам ўзини ҳаққини талаб қилиб қози олдида тортишиши қораланган хусуматларга кирмайди.
• Тортишиш ва хусуматлар, мусулмонлар ўртасини бўладиган тил офатларидандир.
• Ҳақ ишда ва яхши услубдаги хусумат, мақталган хусуматдир. Ҳақни рад қилиш ва ботилни оқлаш учун ёки ҳужжат ва далилсиз қилинган хусумат қораланган хусуматдир.