Паёмбари Худо (Салому дуруди Аллоҳ бар ӯ бод) ба сӯи Парвардигор дуо фармуд то қабри ӯро монанди буте ки парастида мешавад ва сӯи он саҷда гузошта мешавад, нагардонад. Сипас Паёмбар (Салому дуруди Аллоҳ бар ӯ бод) огаҳ фармуданд, ки Худованд касонеро, ки қабрҳои паёмбаронашонро ҳамчун масҷид гирифтанд аз раҳматаш дур ва ронда кардааст, зеро масҷид қарор додани он чизе ҷуз васила ва баҳона барои ибодат ва эътиқод доштанд ба онҳо нест.

• Зиёдаравӣ аз меъёри шаръӣ дар мавриди қабрҳои паёмбарон ва солеҳон, боиси парастиши онҳо ба ғайр аз Аллоҳ мегардад, бинобар ин бояд аз ҳаргуна васила, ки ба ширк мерасонад барҳазар буд.
• Ба қасди ибодат ва ё бузургдошти қабрҳо рафтан, новобаста аз он ки соҳиби қабр аз солеҳон ва дӯстони Аллоҳ бошад, ба ҳеҷ ваҷҳ ҷоиз нест.
• Бино кардани масҷид бар қабрҳо ҳаром аст.
• Хондани намоз назди қабр, агарчи масҷид ҳам онҷо бино нашуда бошад, ҳаром аст, ба ҷуз намози ҷаноза назди қабре, ки бар ӯ намози ҷаноза хонда нашуда бошад.