Nabiyyiin -nagaa fi rahmanni isaan irratti haa jiraatu- Muslima tokko kan badii hojjateef dhiifamni Rabbiitii fi araaramni Isaa akka isaaf abdatamu ibsani, nama of tuulummaa fi baalagummaaf jecha badii isaa muldhisu malee, inni akkasii sun dhiifama haqa hin godhatu, halkan badii hojjatee bulee, ganama dhugumatti Rabbiin haala isaaf dhookseen gadi bahee ani kaleessa badii akkanaatiin hojjadhe jedhee nama birootti of hima, Rabbiin dhugumatti isaaf dhoksee haala buleen ganama gadi bahee girdoo Rabbiin isa kaaye ofirraa kaasa!!

• Eega Rabbiin namaaf dhoksee badii ofii muldhisuun waan fokkataa ta'uudha.
• Badii ifatti labsuu keessatti gidduu mu'uminootaatti safuu babal’isuutu jiraadha.
• Namni Rabbiin addunyaa kana irratti badii isaaf dhokse aakhirattis ni dhoksaaf, kun bal’ina rahmata Rabbiin gabroota isaaf godhe irraati.
• Namni badii dalaguun mokkorame of saaxiluu dhabee gara Rabbitti towbaa deebi'uudha qabaadha.
• Guddina dilii warra badii itti yaadanii muldhisanii, nagaan jiraachuu irraa of hoonggessaniiti.