Tẽn-tʋʋmɑ -Wẽnd pʋʋsg lɑ A tɩlgr be ɑ yĩngɑ- vẽnegdɑme n wilgdẽ tɩ Wẽnd pʋlmɑ yel-sõmɑ lɑ yel-wẽnsã, rẽ poorẽ t'A vẽneg n wilg tʋʋmã sẽn zɑo b rãmb zutã (Bɑɑligsã) b sẽn gʋlsd-b yiibã to-to: Rẽnd ned ning sẽn rɑtɑ lɑ ɑ togle n loe n nɑ n mɑɑn yel-sõmdã, b gʋlsdɑ yel-sõmd yεng n kõ-ɑ, baɑ t'ɑ kɑ mɑɑn-ɑ, lɑ ɑ sã n mɑɑn-ɑ b fãood-ɑ lɑme ɑ piig buud bilgri n tʋg n tãɑg fãoob kobs-yopoe, n tʋg fãoob-rãmb wʋsgo, lɑ pɑasgã zemsdɑ wɑlɑ sẽn be sũurẽ wã, sẽn yɑɑ pʋ-peelem lɑ nɑfɑ longre, lɑ sẽn wõnd rẽndɑ. Lɑ ned ning sẽn rɑtɑ lɑ ɑ togle n loe n nɑ n mɑɑn wẽngã, n lebg n bɑs-ɑ Wẽnd yĩngɑ b gʋldɑ yel-sõmdɑ yembre n kõ-ɑ, lɑ ɑ sã n bɑs-ɑ soagl yĩngɑ lɑ ɑ kɑ mɑɑn ɑ sɑbɑb-rãmbɑ b kɑ gʋlsd bɑɑ fʋɩ, lɑ ɑ sã n bɑs-ɑ, pãng kaalem yĩnga b gʋsld ɑ Anniyã, lɑ ɑ sã n mɑɑn-ɑ b gʋlsdɑ yel-wẽng ɑ yembre n kõ-ɑ.

• A wilgda Wẽnd yɩɩdlemã sẽn yaa zɩsgã zamã-kãngã zugu, ne A sẽn fãood b yel-sõmã la A gʋlsda A nengẽ, la A yaool n ka fãood yel-wẽnsã ye.
• Hadiisã wilgda Anniy sẽn ta zĩig ninga, tʋʋmã pʋgẽ, la a vũunã.
• Hadiisã wilgda Wẽnd kũunã la A bʋkrã ne nebã la A manegrã, tɩ ned ning sẽn wa n mamsa tʋʋm-sõngo la a ka tʋm-a, Wẽnd gʋlsdame tɩ yaa tʋʋm sõma.